Goditi me sende të forta në kokë kunatin, pranga 42-vjeçarit në Durrës

Policia e Durrësit ka bërë të mundur arrestimin e një 42-vjeçari, i cili ka goditur me sende të forta në kokë kunatin e tij. Ngjarja ka ndodhur 3 ditë më parë ën fshatin Hamallaj të Durrësit.

“Durrës/ Specialistët për Hetimin e Krimeve në Stacionin e Policisë Manëz arrestuan për veprën penale "Dhuna në familje", shtetasin M.A., 42 vjeç, banues në Hamallaj, Durrës. Ky shtetas më datë 07.10.2021 rreth orës 16:00 në Hamallaj, ka goditur me sende të forta në kokë, kunatin e tij, shtetasin B.M., 52 vjeç, banues në Hamallaj. Materialet kaluan në Prokurorinë e Rrethit Gjyqësor Durrës për veprime të mëtejshme”, njofton policia.