Gjendet i vdekur 50-vjeçari në Korçë, çfarë dyshohet

Një person është gjetur pa shenja jete mesditën e kësaj të diele në banesën e tij në Korçë. Autoritetet policore raportojnë se viktima është shtetasi N. I., rreth 50 vjeç.

Ngjarja ka ndodhur rreth orës 13:20, në lagjen nr. 6 të qytetit juglindor, teksa viktima jetonte i vetëm në banesë. Policia bën me dije se nga këqyrja paraprake e trupit të viktimës nuk janë konstatuar shenja dhune dhe dyshohet se ky shtetas mund të ketë humbur jetën, për shkaqe natyrale.

Grupi hetimor po punon për sqarimin e rrethanave të ngjarjes.