Gentian Bejtja në kërkim prej 8 muajsh, armiqtë e gjetën para policisë, e ekzekutuan me 4 kallashë

Prej plot 8 muajsh, Gentian Bejtja ishte ne kerkim nga policia, por nuk u arrestua edhe pse ndodhej ne Shqiperi derisa sot, armiqte e tij e gjeten para policise dhe e ekzekutuan. 

Të tjera detaje zbulohen për vrasjen në oborrin e banesës së tij të Gentjan Bejtjas.

Në momentin e atentatit që i mori jetën, në banesë ndodhej vetëm gruaja e tij.

Bejtja mund t’i ketë parë autorët pasi në oborrin e banesës së tij janë vërejtur shenja gjaku deri në pjesën e pasme të banesës, që sipas kqyrjes nga ana e policisë dyshohet se ai ka tentuar të largohet për t’i shpëtuar atentatit

Top Channel mëson se fëmijët e tij ndodhen në Tiranë dhe jetojnë më gjyshërit pas atentatit të fundit që i bënë verën e 2023.

Pas këtij atentati, i cili ishte i treti, Bejtja tentoi që të largohej nga vendi, duke kërkuar edhe azil në Norvegji dhe Suedi, por nuk ia kanë miratuar.

Kater automatike Kallashnikov jane gjetur ne makinen e perdorur nga autoret e cila u dogj pas ngjarjes.

Për herë të parë pas 8 muajsh në kërkim policor, Gentian Bejtja u kthye në banesë, por gjeti vdekjen.

Në shtëpi e priste nëna e tij, e cila jetonte e vetme, pasi të gjithë familjarët ndodhen jashtë shtetit.

Nga muaji korrik, kur iu bë atentati ndaj kunatit te tij, Gentian Bejtja u shpall në kërkim policor për t'u pyetur.

Por, që në atë kohë e deri tani nuk ishte gjetur asnjëherë që të shoqërohej dhe të pyetej, pasi nuk jetonte në banesë.