Gazetarja debat me zv. drejtorin e policisë: Çfarë interesi ka Luisi që të gënjejë?!

Intervista e Luis Meçes, 14-vjeçarit të plagosur pas sherrit pranë shkollës “Fan Noli” nxiti debat në emisionin Top Story në Tiranë.

Gazetarja e Top Channel, Kristi Gongo është përplasur me Erion Ismailin, zëvendësdrejtor të Krimit në Tiranë.

Ismaili: Marseli, kushëriri i Luisit ka qenë pjesë e konfrontimit, ka qenë më i qetë nuk thotë në asnjë rast që ka pasur një person ( të dytë) me një thikë në ngjarje, prandaj thashë se dëshmitë janë shumë të rëndësishme.

Ismaili: Shoh deklaratën e babait që e ndryshon nga dita në ditë.

Gongo: Çfarë interesi ka që të gënjejë, që të shpikin një histori, mund të jenë emocione.

Ismaili: Varët kë dëgjojnë dhe shikojnë.

Gjithë jo zbutje, gjithë kjo trembje, mos ka ndodh diçka shqetësuese.

Gongo: Luisi është tërësisht ndryshe, ka qenë më i qartë, më në detaje, tashmë del që me komunikimin zyrtar bëhet me dije që viktima dhe i plagosuri kanë qenë ata që kanë shtrirë në tokë personin që ka goditur, ai ka reaguar duke përdorur thikën.

Ismaili: Kemi marrë një sërë dëshmish, kemi ripyetur persona, kemi panoramë të qartë të mekanizmit të kryerjes.