Furnizonin me armë dhe municion grupet kriminale, burg për dy të rinjtë në Durrës

Gjykata e Durrësit vendosi masën e sigurisë “arrest në burg” për Hekuran Troplinin dhe Emiliano Pashon, të cilët u arrestuan dy ditë më parë në fshatin Shkallnur pasi iu gjetën një arsenal armësh dhe municionesh. Arrestimi i dy të rinjve u bë pas një blerjeje të simuluar me një agjent të policisë.

Ata u kapën në flagrancë pasi lanë vendin e takimit.

Një pjesë e armëve ishin fshehur në një ndërtesë ende të papërfunduar në fshatin Shkallnur ndërsa pas kontrolleve, u gjetën armë dhe municione edhe në disa vende të tjera. Po hetohet gjithashtu për të zbuluar personat që kanë blerë armët e tyre.

Në cilësinë e provës materiale u sekuestruan 4 kallashnikovë me 20 krehra, qindra fishekë luftarake, 1 motomjet që shërbente për të lëvizur si dhe transportuar armët e municionin deri tek blerësit.