Frikë në Tiranë, urbani humb kontrollin dhe përplaset me një pemë, dëmtohen dy pasagjerë

Ditën e sotme është aksidentuar një urban në Tiranë, ku për pasojë janë plagosur dy pasagjerë. Mësohet se shoferi ka humbur kontrollin dhe është përplasur me një pemë.

“Tiranë/Informacion paraprak. Tek ish stacioni i Trenit, një mjet autobuz, dyshohet se si pasojë e humbjes së kontrollit mbi mjet ka dalë nga rruga dhe është përplasur me një pemë. Si pasojë janë dëmtuar lehtë dy pasagjerë, të cilët u dërguan në spital, për ndihmë mjekësore. Grupi hetimor punon për sqarimin e rrethanave të ngjarjes”, njofton policia.