FOTOLAJM/ “Na bllokon online, na gjen në shesh!”- Pankartat nga protesta e 108-të, qytetarët mesazh Ramës

Në protestën e 108-të kundër qeverisë dhe kryeministrit Edi Rama, qytetarët kanë përcjellë mesazhet e tyre përmes pankartave, duke ironizuar qeverinë dhe zhvillimet e fundit politike.

Një prej pankartave i drejtohet drejtpërdrejt kryeministrit Rama, duke shkruar: “Rama jashtë – problem me shqiptarët. Balluku në Tiranë – problem me qytetarët. Kur popullit i fshihesh, me ç’fytyrë pushtetit i ngjitesh?”

“108 na bllokon online. Na gjen në shesh”, thuhet në një tjetër pankartë.

Në pankartat e protestës nuk kanë munguar as mesazhet që lidhen me sistemin e drejtësisë dhe përplasjet e qeverisë dhe gjyqësorit për pagat e magjistratët.

“Pagat e gjyqtarëve – shfaqje e qëllimshme, skandalet e Ramës – heshtje e dhimbshme!”, shkruhet në një prej tyre.