Detaje/ Ish-gjyqtarja Pajtime Fetahu gjykoi grupet kriminale, por u arrestua gjatë operacionit “Plumbi i Artë”

Ish-gjyqtarja Pajtime Fetahu ra në prangat e policisë këtë të hënë, pas një megaoperacioni të SPAK. Ajo ndodhej nën masën arrest shtëpie për një tjetër dosje, atë të “Plumbit të Artë 2”, vijim i operacionit “Plumbi i Artë”, pasi GJKKO lëshoi 30 masa sigurie në korrik të këtij viti.

Fetahu gjykoi anëtarët e grupeve kriminale në Elbasan gjatë kohës që ishte në detyrë. Operacioni “Plumbi i Artë”, i zhvilluar në maj të vitit 2022 goditi 8 grupe kriminale në Elbasan, Durrës dhe në Tiranë.

Operacioni u zhvillua menjëherë pas arrestimit të shumë të kërkuarit Nuredin Dumani, i cili u kap gjatë operacionit policor të koduar “Arratia” në Fier.

Gjatë operacionit policor të koduar “Golden bullet” janë ekzekutuar 18 masa sigurimi, prej të cilave 9 masa sigurimi janë ekzekutuar në disa IEVP.