U “pushtua” nga flakët zona e Koxhasit/ Zjarrfikësit neutralizojnë vatrën pas disa orësh, zhbllokohet autostrada

Zjarri i rënë në zonën e Koxhasit, në Shijak është shuar dhe flakët janë vënë nën kontroll. Zjarri ra në një sipërfaqe me barishte, por u favorizua nga era e fortë e cila mundësoi përhapjen e tyre në zonë.

Si pasojë e kësaj shtëllunga tymi u përhapën në autostradën Tiranë-Durrës, gjë e cila solli vështirësi në qarkullimin e automjeteve. Në terren shkuan pesë forca zjarrfikëse, të cilat bënë të munduar shuarjen e flakëve dhe neutralizimin e situatës.

Fatmirësisht, nuk raportohen për dëme në banesa, biznese apo për persona të lënduar.

Autoritetet po hetojnë më shumë për të përcaktuar shkaqet e rënies së zjarrit, ndërsa qarkulli i automjeteve i është rikthyer normalitetit.