Ersekë/ Punëtori bie nga skela dhe humb jetën në vendngjarje!

Një 70-vjeçar ka humbur jetën mesditën e sotme në Ersekë.

Bëhet me dije se viktima me iniciale Dh.P., është rrëzuar nga skela në vendin ku punonte dhe ka humbur jetën menjëherë.

"Rreth orës 14:30, në bllokun nr. 4, Ersekë, dyshohet se aksidentalisht, duke punuar në një objekt, është rrëzuar nga skela, shtetasi Dh. P., 70 vjeç, i cili ka humbur jetën në vendngjarje.

Grupi hetimor po punon për sqarimin e rrethanave të ngjarjes", njofton policia.