EMRI/ Vrau 31-vjeçarin në mes të Gjermanisë, i riu shqiptar flet për akuzat: Ndihesha i...

Në qershor të vitit të kaluar, një 31-vjeçar u qëllua për vdekje në rrugë në Kiel. Për ngjarjen e ndodhur, Fisnik H., i identifikuar si autori i ngjarjes, u vendos në pranga dhe sot ka dalë para gjykatës.

Sipas mediave gjermane, i pandehuri shqiptar Fisnik H., pranoi akuzat se ka qëlluar për vdekje 31-vjeçarin në Kiel të Gjermanisë.

Ngjarja ka ndodhur më 27 qershor të vitit 2022. Pas një mosmarrëveshje, 24-vjeçari shqiptar ka qëlluar 5 herë ndaj viktimës dhe është larguar.

Viktima ka ndërruar jetë në spital, pas dy të shtënave që mori në gjoks. Në seancën gjyqësor, i riu shqiptar pranoi akuzat duke thënë se ishte penduar dhe kërkoi falje.

“Nuk doja ta vrisja, por ndihesha i kërcënuar,”- tha ai.

Më tej tha se ishte ndjerë i provokuar dhe i kërcënuar nga viktima. Sipas deklaratave të tij, e ka qëlluar 4 herë dhe është larguar nga vendngjarja. Por për prokurorinë, pikërisht ky fakt tregon se ka pasur si qëlllim që t'i merrte jetën, pasi i ka dalë para dhe e ka qëlluar disa herë për ta lënë të vdekur.

Sipas aktakuzës, ai thuhet se e ka takuar viktimën së bashku me disa persona të tjerë, ditën e krimit dhe ka adresuar një debat mes tij dhe vëllait të tij. Ndaj dhe prokurori mendon se ai e kishte marrë vendimin për ta vrarë.

Gjykata ka caktuar seancën radhës në prill. Përveç deklaratave të 18 dëshmitarëve, pritet edhe raporti psikiatrik dhe mjeko-ligjor, ndërsa aktualisht i ri ndodhet në paraburgim në Gelsenkirchen.