EMRI/ Kamerat e tradhtuan, kapet hajduti serial i biçikletave dhe monopatinave në kryeqytet! 22-vjeçari hetohet edhe për…

Ishte kthyer në tmerrin e qytetarëve që lëviznin me biçikleta dhe monopatina, duke ua vjedhur, arrestohet pas kapjes nga kamerat e sigurisë 22-vjeçari i dyshuar.

Policia e Tiranës njoftoi sot se ka arrestuar të riun e dyshuar Ernest Peka, i cili akuzohet për një seri me 6 vjedhje, mes tyre pesë biçikleta dhe një monopatinë.

Sulmet janë kryer në kryeqytet, në lagje të ndryshme dhe gjatë muajve maj dhe nëntor.

Gjithashtu ai po hetohet edhe për vjedhjen e një dyqani.

Mjetet e vjedhura dyshohet se shiteshin më pas në zona të ndryshme të kryeqytetit.

“Po vijojnë verifikimet për të dokumentuar edhe vjedhje të tjera që mund të jenë kryer nga i dyshuari. Materialet i janë referuar Prokurorisë për veprime të mëtejshme procedurale”, thanë burimet zyrtare.

Aktualisht po bëhet verifikimi i pamjeve të ndryshme filmike për raste të ngjashme dhe i gjurmëve.