Emri/ I dënuar me 21 vite burg në Itali, kapet 52-vjeçari shqiptar!

Një 52-vjeçar është arrestuar në kuadër të operacionit të koduar "Operacionalja 30".

Mësohet se Artur Sallaku ishte shpallur në kërkim ndërkombëtar pasi është dënuar për veprën penale “Trafikimi i lëndëve narkotike”, kryer në kuadër të organizatës kriminale.

Gjykata në vitin 2004 e ka dënuar me 21 vjet burg për veprën penale “Trafikimi i lëndëve narkotike”, kryer në kuadër të organizatës kriminale.

Pritet që pas arrestimit Sallaku të ekstradohet në Itali ku do të vuajë dënimin.