EMRAT dhe DETAJET/ Zbardhet atentati në Shkodër, babë e bir dyshohet se vranë Ramazan Matajn

Policia e Shkodrës ka zbardhur atentatin e regjistruar mbrëmjen e Janarit në zonën e Dragoçit në Shkodër, ku u ekzekutua me breshëri kallashnikovi 33-vjeçari Ramazan Mataj brenda automjetit të tij, tip “Mercedes Benz”.

Burime bëjnë me dije se janë arrestuar dy persona, babë e bir, si autorë të dyshuar të vrasjes, teksa janë shoqëruar edhe disa persona të tjerë që mund të kenë dijeni për ngjarjen e rëndë.

Sipas po të njëjtave burime mësohet se në pranga janë vënë shtetasit Rrustem Hasaj, 60 vjeç dhe djali i tij, Arjon Hasaj, 29 vjeç, nga fshati Dragoç i Postribës.

Ndërkohë, të shoqëruarit janë të afërm të autorëve të dyshuar.

Të arrestuarit Rrustem Hasaj, babai i 5 vajzave dhe djali i tij Arjon Hasaj, janë nga fshati Dragoç i Shkodrës, nga i njëjti fshat nga ishte dhe viktima Ramazan Mataj.

Njëri prej të arrestuarve është kapur në kufi duke tentuar të largohej, ndërsa një është arrestuar në shtëpi.