E rëndë në Vlorë, 56-vjeçari ngacmon seksualisht të miturën, arrestohet nga Policia

Një rast i rëndë i ngacmimit seksual ka ndodhur së fundi në qytetin e Vlorës. Burime policore bëjnë me dije se një 14-vjeçare ka kallëzuar për ngacmim seksual një 56-vjeçar, i cili është vënë në prangat e policisë.

Policia vijon hetimet për këtë ngjarje të rëndë, ku priten të merren në pyetje dhe familjarët e vajzës së mitur, si dhe 56-vjeçari me inicialet T.Z.

“Nga specialistët për Hetimin e Krimeve në Komisariatin e Policisë Vlorë u bë arrestimi në flagrancë i shtetasit T. Z., 56 vjeç, banues në Vlorë, pasi ka bërë kallëzim një shtetase e mitur 14 vjeçe se ky shtetas e ka ngacmuar seksualisht.   

Materialet i kaluan Prokurorisë, për veprime të mëtejshme”, njofton zyrtarisht Policia e Vlorës.