E plagosën në dorë, gruaja e 41-vjeçarit të vrarë në Elbasan kërkoi ndihmë e terrorizuar pas atentatit

Ekzekutimi mafioz në lagjen “Skënderbej” tronditi mbrëmjen e sotme qytetin e Elbasanit. Ishte ora rreth 20:10 dhe sapo kishte rënë nata kur Everest Çakës iu bë pritë duke u qëlluar disa herë me pistoletë me silencitaor.

Goditjet ishin fatale për 41-vjeçarin që ndërroi jetë në vend, ndërsa bashkëshortja e tij, Silvana ka marrë një plagë në dorë dhe ndodhet jashtë rrezikut për jetën.

Alarmi dhe dëshmitë

Ka qenë gruaja e viktimës që e alarmuar ka dalë me shpejtësi nga makina duke kërkuar ndihmën e banorëve të zonës për të njohur policinë dhe ambulancën, që pavarësisht përpjekjes nuk arritën që të mbanin në jetë bashkëshortin e saj.

Disa prej banorëve të zonës thanë se nuk kishin dëgjuan të shtëna duke shtyrë hetuesit të dyshojnë se ekzekutimi është kryer me silenciator.