E mitura e denoncon për ngacmim seksual, arrestohet 56-vjeçari në Vlorë

Policia e Vlorës ka arrestuar një 56-vjeçar, pasi akuzohet se ka ngacmuar seksualisht një të mitur. Sipas bluve, ka qenë vetë 14-vjeçarja që është drejtuar në polici për të denoncuar shtetasin T.Z.

“Nga specialistët për Hetimin e Krimeve në Komisariatin e Policisë Vlorë u bë arrestimi në flagrancë i shtetasit T. Z., 56 vjeç, banues në Vlorë, pasi ka bërë kallëzim një shtetase e mitur 14 vjeçe se ky shtetas e ka ngacmuar seksualisht”, njofton policia.