E diela perfekte për plazh, por si pritet të ndryshojë moti gjatë pasdites

Pjesa e parë e ditës do të vijojë me kthjellime në të gjithë vendin tonë. Por, sipas Meteoalb pjesa e dytë e ditës sjellë kalime vranësirash fillimisht në zonat jugore dhe gradualisht vranësirat përfshijnë gjithë territorin por pa mundur të gjenerojnë reshje. Mbrëmja sjell largim të vranësirave dhe mbizotërim të kthjellimeve.

Temperaturat e ajrit mbeten të pandryshuara në vlerat minimale por rriten në ato maksimale duke u luhatur nga 11°C mëngjesi në zonat malore deri në 35°C mesdita në zonat e ulëta.

Era do fryjë e lehtë dhe mesatare duke arritur shpejtësi deri 35 km/h, nga drejtimi  Jugor ndërsa në det të hapur krijohet dallgëzim  mbi 3 ballë.

Kosova

Vijon ndikimi i masave ajrore verilindore, të cilat do të kushtëzojnë kthjellime gjatë paradites dhe mbrëmjes, ndërsa vranësira të lehta shfaqen gjatë mesditës dhe pasdites.

Maqedonia e Veriut

Territori i Maqedonisë së Veriut  gjatë ditës së diel do të paraqitet gjatë paradites në mbizotërimin e kthjellimeve. Pas mesditës do ketë kalime vranësirash nëpër territor. Parashikohet që orët e vona të pasdites të ri-kthejnë sërish kthjellimet.