Dyshohet se është vetëplagosur me armë zjarri, përfundon në spital 85-vjeçari në Mat

Policia e Matit ka njoftuar mëngjesin e sotëm se një 85-vjeçar është dërguar në spital, pasi dyshohet se është vetëplagosur me armë zjarri.

“Mat/ informacion paraprak. Në orët e vona të mbrëmjes datë 16.05.2021, është dërguar në spital për të marrë ndihmë mjekësore shtetasi D. H., rreth 85 vjeç, banues në Mat, i cili në një ambient pranë banesës së tij , dyshohet se aksidentalisht   është vetëplagosur me armë zjarri.

Grupi hetimor ka sekuestruar në vendin e ngjarjes armën e zjarrit, si dhe vijon punën për zbardhjen e rrethanave të plota të ngjarjes”, njofton policia.