Dy vajza të zhdukura në Shkodër dhe Tiranë, prindërit ngrenë në këmbë policinë

Dy denoncime ka marrë Policia e Shtetit për dy vajza që janë larguar nga banesa. Rasti i parë bën fjalë për një 20-vjeçare që është larguar nga banesa. Ka qenë babai i saj që ka bërë kallëzimin në Komisariatin e Policisë Nr. 4 në Tiranë.

Ndërkohë, një e mitur, 17 vjeç, është larguar nga banesa. Denoncimi është bërë nga e ëma në Policinë e Shkodrës.

“Më datë 09.03.2024, një 34-vjeçare, banuese në Shkodër, ka kallëzuar në Komisariatin e Policisë Shkodër se është larguar nga banesa vajza e saj 17 vjeçe. Po punohet për gjetjen e të miturës.

Në Komisariatin e Policisë Nr. 4 është paraqitur shtetasi A. S., 50 vjeç, i cili ka kallëzuar se është larguar nga banesa vajza e tij, shtetasja E. S., 20 vjeçe. Punohet për gjetjen e saj”, njofton policia.