Dy shqiptarë arrestohen gabimisht në Greqi, lihen në burg, por "kokaina" rezulton stuko

Dy shqiptarë të arrestuar “gabimisht” nga policia greke janë liruar nga akuzat pas verifikimeve. Mediat vendase shkruajnë se bëhet fjalë për dy shqiptarët e moshave 38 dhe 44-vjeç të cilët u vunë në pranga të hënën që lamë pas gjatë një kontrolli rutinë nga policia greke.

Atyre iu gjet një kavanoz me pluhur që ishte përdorur nga dy shqiptarët që përmbante 122 gram pluhur bashkë me disa kuti në disa ngjyra. Policia mendoi se ishte kokainë pavarësisht se dy shqiptarët e mohuan këtë.

Ata u vunë në pranga si dhe iu konfiskuan celularët dhe 2 900 euro të cilat konsideroheshin se ishin përfituar nga tregtia e drogës. Ata u mbajtën në qeli për dy ditë deri në ekzaminimin e lëndës që iu gjet me vete.

Rezultati verifikoi pretendimin e shqiptarëve dhe rezultoi se lënda që ata kishin me vete ishte stuko. Pas lirimit nga akuza pritet t’u kthehen paratë dhe celularët e sekuestruara. Mediat raportojnë se stuko kishte marrë formë tjetër për shkak të temperaturave të larta duke hutuar kështu policët.