Drejtori i Përgjithshëm i Zjarrfikëses: Zjarri në Llogara dyshohet i qëllimshëm

Drejtori i Përgjithshëm i Zjarrëfikses, Arben Carai ka folur rreth zjarrit masiv të evidentuar pasditen e sotme në zonën e Llogarasë.

Carai tha për mediat se zjarri mund të ketë qenë i qëllimshëm. Ai ka shtuar se situata është nën kontroll dhe nuk rrezikohet Parku Kombëtar i Llogorasë.

“Kemi pasur dy vatra zjarri paralele një në Dhërmi dhe një në Llogora, fatmirësisht vatrat e zjarrit në Dhërmi i kemi mbyllur në një kohe shumë të shpejtë, pasi vendosem në lëvizje të gjitha strukturat ndërhymë edhe nga ajri me helikopterë.

Rreth 40 forca zjarrëfikëse, jemi vendosur në qafën e Llogorasë pasi era po favorizon vatrat e zjarrit, situata është në kontroll dhe nuk rrezikohet Parku Kombëtar i Llogorasë”, tha ai.