Dosja për Martin Canin kalon për gjykim, flet shoku i viktimës: Kërkojmë drejtësi!

Gjykata e Tiranës ka vendosur të kalojë sot për gjykim autorin e vrasjes së 14-vjeçarit Martin Cani, Mario Përlleshaj.

Pas përfundimit të seancës, shoku i Martinit, Luis Meçja u tha gazetarëve se është i gatshëm të dëshmojë në gjykatë pasi dëshiron drejtësi.

“Nuk e kam përjetuar mirë seancën, por dua të them se kërkojmë drejtësi. Jam gjithnjë i gatshëm të dëshmoj në gjyq nëse më kërkohet”, tha ai.

Martin Cani, 14 vjeç u vra më 18 nëntor 2024 pak metra larg shkollës “Fan Noli” në Tiranë. Autori i mitur Mario Përlleshaj ndodhet në institutin për të mitur në Kavajë, ndërsa edhe në muajin dhjetor 2024 kundërshtoi masën e sigurisë “arrest me burg”.