Dhunojnë 42-vjeçarin në mes të bulevardit, nis identifikimi dhe kapja e autorëve

Policia e Tiranës ka njoftuar se ka nisur punën për identifikimin dhe kapjen e dy personave, që akuzohen se kanë dhunuar një 42-vjeçar në bulevardin “Bajram Curri”. Ngjarja sipas policisë ka ndodhur një ditë më parë.

“Më datë 08.05.2021, në bulevardin “Bajram Curri”, dy persona të paidentifikuar, në bashkëpunim me njëri tjetrin, kanë goditur me sende të forta shtetasin G. Xh., 42 vjeç, i cili ndodhet në spital nën kujdesin e mjekëve. Punohet për identifikimin dhe kapjen e autorëve”, njofton policia.