Dhunë në familje dhe vjedhje, 2 të arrestuar në Skrapar dhe Poliçan

Policia e Skraparit ka bërë të mundur arrestimin e 30-vjeçarit të shpallur në kërkim për dhunë. Sipas policisë, shtetasi P.M akuzohet për dhunë ndaj bashkëshortes së tij, ndërsa u shpall në kërkim 4 ditë më parë. Ndërkohë është arrestuar edhe një 42-vjeçar në Poliçan, pasi dyshohet se ka vjedhur bizhuteritë në një banesë.

“Skrapar/Gjithashtu nga specialistët e Seksionit për Krimet në Komisariatin e Policisë Skrapar, u bë kapja dhe ndalimi i shtetasit të shpallur në kërkim policor P.M., 30 vjeç, banues në Skrapar, pasi në banesë më datë 06.09.2021, ka ushtruar dhunë fizike ndaj bashkëshortes së tij.

Poliçan/Nga specialistët e Seksionit për Krimet në Stacionin e Policisë Poliçan u bë arrestimi në flagrancë i shtetasit G.A., 42 vjeç, banues në Poliçan, pasi u kap duke u larguar për në Tiranë me disa bizhuteri që dyshohet se i ka vjedhur në banesën e shtetases V.L. Materialet në ngarkim të këtyre shtetasve janë referuar në Prokurorinë e Rrethit Gjyqësor Berat, për veprime të mëtejshme”, njofton policia.