Detaje/ E vrau partneri? Çfarë dihet për vdekjen e së resë në Tiranë!

Një 30 vjeçare e huaj është gjetur e pajetë sot në një banesë që e kishte marrë me qira në Tiranë. Policia bëri me dije më herët se në trupin e saj janë gjetur plagë që dyshohet se janë shkaktuar me mjet prerës.

Raportohet se kanë qenë pronarët e banesës ata të cilët kanë njoftuar blutë. E reja jetonte aty prej 10 ditësh, bashkë me partnerin e saj.

Sipas të dhënave paraprake ende nuk dihet nga janë me origjinë, por nga tiparet dyshohet se janë nga Lindja e Mesme, sipas Klan. Pronarja e banesës u ka kërkuar kartën ID, por fillimisht i kanë thënë që nuk i kishin. Kur ka shkuar në një moment të dytë për dokumentet, ata nuk i kanë hapur derën. Burri është në kërkim nga policia, ndërsa ka gjasa të jetë larguar nga Shqipëria.