Del ekspertiza e aksidentit ku u shua familja Gushi, “Audi” "fluturonte" në rrugë me 160 km/orë
Lajmifundit
/
4 July 2021, 11:14
Aktualitet
Del ekspertiza e aksidentit të rëndë që u regjistrua disa ditë më parë, ku humbën jetën katër anëtarët e familjes Gushi.
Ekspertiza tregon se mjeti “Audi” që përplasi mjetin tip “Toyota” me të cilin lëvizte familja Gushi, po ecte me shpejtësi 160 km/orë.
Ndërkohë, shpejtësia maksimale e lejuar për këtë aks është 110 km/orë.
Ka qenë shpejtësia tej normave të lejuara që ka shkaktuar edhe aksidentin tragjik. 22-vjeçari rreth dy javë më parë shkaktoi aksidentin tragjik, ku humbën jetë katër anëtarët e familjes Gushi. Në aksidentin humbën jetën Eduart Gushi 44 vjeç, Silvana Gushi 33 vjeç, Anastasia Gushi 14 vjeçe dhe Eva Gushi, 9 vjeçe.
Igli Madani u la në burg pa afat nga gjykata më 27 qershor, ndërsa akuzohet për veprën penale “Shkelja e rregullave të qarkullimit rrugor”, dhe rrezikon dënim nga pesë deri në 20 vite burg.