Bllokoi aktivitetin e Bashkisë Tiranë, merret nën hetim Adriana Kalaja!

Prokuroria ka nisur hetime ndaj aktivistes Adriana Kalaja, pasi tentoi të pengojë lëvizjen e automjetit në pronësi të Bashkisë Tiranë, me të cilin po transportoheshin dokumente te Drejtoria e Përgjithshme e Arkivave. 

Bashkia Tiranë ka denoncuar aktivisten duke e akuzuar se ka kërcënuar verbalisht shoferin e kamionit dhe ka përdorur fjalor fyes ndaj punonjësve të policisë bashkiake.

"Specialistët për Hetimin e Krimeve të Komisariatit të Policisë Nr. 1: referuan materialet në Prokurori, ku nisi procedimi në gjendje të lirë për shtetasen A. K., 61 vjeçe, pasi ditën e djeshme, ka penguar lëvizjen e një automjeti në pronësi të bashkisë Tiranë, me të cilin po transportoheshin dokumente, nga ky institucion, te Drejtoria e Përgjithshme e Arkivave”, njofton policia.