"Benzi" humb kontrollin dhe përplaset me mjetin e parkuar në Lushnjë- Rrogozhinë, dy të plagosur

Një aksident është regjistruar ditën e sotme në autostradën Lushnje-Rrogozhinë. Mësohet se në aksident janë përfshirë dy automjete.

Shkaktar i aksidentit ka qenë mjeti tip "Benz" i cili është përplasur me një mjet të parkuar në rrugë. Si pasojë e përplasjes janë plagosur dy persona.

Të plagosurit janë drejtuesi i “Benz”-it dhe pasagjeri. Ata janë dërguar menjëherë në spitalin e Lushnjes ku ka marrë ndihmë mjekësore.

Policia ka nisur hetimet për zbardhjen e shkaqeve të aksidentit.