Belsh/ E zë korenti gjatë punës, humb jetën i riu, punonjës i OSHEE-së

Një ngjarje e rëndë ka ndodhur mëngjesin e sotëm në fshatin Trojas të Belshit, ku një elektricist i OSHEE-së ka humbur jetën në krye të detyrës.

Viktima është shtetasi K. Z., 32 vjeç, i cili dyshohet se ka rënë në kontakt me rrymën elektrike teksa po punonte për riparimin e një linje elektrike.

Grupi hetimor dhe Prokuroria kanë nisur punën për zbardhjen e plotë të rrethanave të ngjarjes.

Njoftimi:
Belsh/Informacion paraprak

Rreth orës 09:30, në fshatin Trojas, shtetasi K. Z., 32 vjeç, elektricist i OSHEE-së, dyshohet se, gjatë kryerjes së punimeve për riparimin e linjës elektrike, ka rënë në kontakt me rrymën elektrike.

Si pasojë, shtetasi K. Z. ka humbur jetën.

Grupi hetimor, nën drejtimin e Prokurorisë, vijon punën për sqarimin e plotë të rrethanave dhe dokumentimin ligjor të rastit.