Banorët e Zogasit në Skrapar në protestë kundër gurores: Na shkatërron tokat bujqësore!

Banorët e fshatit Zogas në Skrapar protestuan kundër një guroreje që po punon në një sipërfaqe malore, duke prekur tokat bujqësore dhe kullotat e bagëtive. Protestuesit thanë se punimet po kryhen në mungesë të plotë transparence dhe pa dëgjesë publike.

Kryeplaku tha se kompania mund të ketë lidhje me anëtarin e kryesisë së PD-së, njëherësh kandidatin për deputet, Myslim Murrizi. 

Report TV kontaktoi me z. Murrizi i cili pranoi se është aksioner tek kompania “Starstone Albania” dhe ka mare leje shfrytëzimi për të nxjerrë gurë në Zogas të Skraparit. Sipas tij kompania ka paguar çdo taksë dhe çdo detyrim ligjor.