Altin Dumani reagon për deklaratat e Metës: Nuk kam asnjë koment!

Kreu i SPAK, Altin Dumani ka folur për mediat dhe ndër të tjera është pyetur edhe për deklaratat që presidenti i Partisë së Lirisë, Ilir Meta, ka bërë ndaj tij.

“Nuk kam asnjë koment për deklaratat e bëra nga ish-presidenti Ilir Meta”, tha ai, teksa shtoi se nuk mund të japë informacion për statusin e Metës dhe Monika Kryemadhit.

Ndërkohë, Dumani bëri me dije se është regjistruar procedim penal për çështjen e Xibrakës dhe informoi se Gazment Bardhi nuk ka bërë kallëzim.