Akuzoi babain për abuzim seksuale prej 4 vitesh, e mitura në Kavajë refuzon të bëjë kontroll mjekësor

Aktualitet

Akuzoi babain për abuzim seksuale prej 4 vitesh, e mitura në

48-vjeçari Bledar Rako u arrestua mëngjesin e kësaj të marte pasi akuzohet nga vajza e tij se ka abuzuar seksualisht prej 4 vitesh. Vajza e tij, aktualisht është 15-vjeçe dhe nga denoncimi i bërë në komisariat në prani të psikologes ajo tregoi se abuzimi ndaj saj ka filluar që kur ajo ishte 11 vjeçe, pra 4 vite më parë.

Menjëherë pas denoncimit, policia e Kavajës ka arrestuar babin Bledar Rako mbi të cilin rëndon akuzat “Marrëdhënie seksuale ose homoseksuale me të mitur”. Pas arrestimit para efektivëve të policisë, babai i të miturës i ka mohuar akuzat teksa është shprehur se nuk e ka prekur me dorë të bijën.

“Absolutisht jo, nuk e kam prekur vajzën asnjëherë”, tha ai.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Ndërkohë, është marrë edhe dëshmia e nënës së 15-vjeçares e cila tha se nuk di asgjë dhe nuk ka dyshuar ndonjëherë te bashkëshorti. Ajo pretendon se e bija po mashtron.

Vajza nga ana tjetër është shprehur se i ati e ka detyruar të kryejne marredhenie seksuale gjatë 4 viteve të fundit, ndërsa hera e fundit që kjo ka ndodhur ka qenë para një viti. Në dëshminë e dhënë para autoriteteve ajo ka thënë se prej katër vitesh abuzohej nga i ati. Akti ndodhte teksa e ëma largohej nga banesa dhe e mitura ndodhej në shtëpi vetëm me të atin.

Për të vërtetuar akuzat 15-vjeçarja do t’i nënshtrohet ekzaminimeve mjekësore, por mësohet se e mitura pasi është dërguar në Durrës, ka refuzuar ti nënshtrohet ekzaminimit.

ME TE LEXUARAT