Aksidenti tragjik në Shkodër, zbulohet identiteti i 16-vjeçarit që humbi jetën (EMRI)

Është identifikuar 16-vjeçari që humbi jetën në aksidentin tragjik të regjistruar një ditë më parë në fshatin Golem të Shkodrës.

Viktima është Emiglino Nikolla, i cili po udhëtonte me një motomjet së bashku me një person tjetër, kur u përplas me një automjet. Si pasojë e përplasjes së fortë, 16-vjeçari humbi jetën, ndërsa bashkëudhëtari i tij mbeti i plagosur.

Emiglino ishte një nga katër fëmijët e familjes Nikolla. Ai la pas dy vëllezër dhe një motër, ndërsa lajmi për ndarjen e tij nga jeta ka tronditur familjarët, të afërmit dhe të gjithë ata që e njihnin.

Ceremonia mortore e 16-vjeçarit do të zhvillohet këtë të premte, në orën 10:00.

Ndërkohë, grupi hetimor vijon punën për dokumentimin e plotë të aksidentit dhe përcaktimin e shkaqeve dhe rrethanave në të cilat ndodhi përplasja.