Aksidenti në Lezhë, reagon policia! 12-vjeçari plagoset rëndë, niset drejt Traumës

Policia e Shtetit ka reaguar në lidhje me aksidentin e ndodhur në Lezhë, ku një 12-vjeçar është përplasur teksa lëvizte me biçikletë.

Mësohet se i mituri ka marrë dëmtime serioze dhe është dërguar me urgjencë drejt Traumës.

"Rreth orës 19:40, në fshatin Mylte, Lezhë, automjeti me drejtuese shtetasen D. N., 39 vjeçe, është përplasur me një biçikletë që lëviste një shtetas i mitur, rreth 12 vjeç.

Si pasojë e përplasjes, i mituri ka pësuar dëmtime dhe është transportuar në Spitalin Rajonal Lezhë, ku ndodhet jashtë rrezikut për jetën. Drejtuesja e automjetit është shoqëruar në Komisariatin e Policisë, për veprime të mëtejshme procedurale.

Grupi hetimor ndodhet në vendngjarje dhe vijon puna për sqarimin e plotë të rrethanave të aksidentit", njofton policia.