Aksidenti i rëndë në Ksamil/ Motori i shkon përballë makinës, drejtuesi mbetet mbi kofano (FOTO)

Këto janë pamjet e një aksidenti të rëndë të ndodhur dje në Ksamil, ku dy persona që udhëtonin me motor u përplasën më një makinë “kokë më kokë”.

Siç shihet nga pamjet, pasagjeri i motorit çohet menjëherë në këmbë, ndërsa drejtuesi mbetet mbi kofanon e makinës.

Dëshmitarë të ngjarjes thonë se i riu ka qëndruar rreth 1 orë e 20 minuta në vendin e ngjarjes teksa luftonte me jetën, pasi ambulanca nuk po vinte.

Sipas tyre ambulanca mbërriti vetëm pas 1 ore e 20 minutash dhe ishte pa doktor, por me një kursante. I riu ka marrë dëmtime të shumta dhe ndodhet në spital prej ditës së djeshme.