Aksidenti 6 milionë paundësh, përfshihen dy Ferrari, një McLaren dhe një Bentley

Një aksident automobilistik që përfshinte dy Ferrari, një McLaren dhe një Bentley me vlerë totale prej 6 milionë paund ka ndodhur në Tirol të Austrisë dhe është cilësuar si aksidenti më i shtrenjtë.

Ngjarja ndodhi më 10 nëntor në një rrugë malore pranë Pfunds, në Tirol të Austrisë, ku një Ferrari 812 Superfast me vlerë 447,000 paund u përplas me një LaFerrari me vlerë 4 milionë paund.

Zelensky apel aleatëve pas kërcënimit rus: Përgjigje e fortë ndaj shantazhit të Putinit

Ferrari Superfast ishte pas LaFerrarit para se të ndodhte përplasja në një kthesë të ngushtë rreth orës 14:40. Kjo përplasje shkaktoi aksidentin zinxhir, ku një McLaren Elva me vlerë 1.4 milionë paund u përplas me dy automjete të tjera.

Një Bentley Continental GTC me vlerë 192,000 paund që ndodhej më pas përplasi gjithashtu automjetet e tjerë, duke i shtyrë ato drejt shkëmbit.

Sipas policisë, drejtuesi i makinës së parë ishte verbuar nga dielli dhe kishte shtypur menjëherë frenat, duke shkaktuar aksidentin zinxhir.