Aksident tragjik / Makina bie në greminë, raportohet një i vdekur dhe dy të plagosur

Një aksident i rëndë rrugor ka ndodhur pasditen e kësaj të diele në Kurbnesh të Mirditës, ku raportohet se një automjet ka dalë nga rruga dhe ka përfunduar në greminë.

Si pasojë e aksidentit, një person ka humbur jetën, ndërsa dy të tjerë kanë mbetur të lënduar.

Raportohet se të lënduarit janë transportuar për mjekim në spital, ndërsa në vendngjarje kanë mbërritur shërbimet e emergjencës dhe grupet përkatëse të policisë.

Rrethanat e aksidentit dhe shkaqet që çuan në daljen e automjetit nga rruga janë ende të paqarta. Policia ka nisur hetimet për zbardhjen e plotë të ngjarjes.

Lajm në përditësim