Aksident në Tiranë, makina humb kontrollin dhe del nga rruga! Detajet nga policia

Një aksident rrugor është shënuar sot në mbrëmje në rrugën “Llazar Shapatini” në Tiranë.

Një shtetas me iniciale A.B. ka humbur kontrollin e mjetit dhe ka dalë nga rruga.

Fatmirësisht, si pasojë e aksidentit nuk pati persona të lënduar.

Njoftimi i policisë:

Më datë 10.03.2023, në rrugën “Llazar Shapatini”, shtetasi A. B., duke drejtuar automjetin, dyshohet se ka humbur kontrollin mbi drejtimin e tij dhe automjeti ka dalë nga rruga. Si pasojë ka vetëm dëme materiale.

Grupi hetimor ndodhet në vendngjarje dhe po punon për sqarimin e rrethanave të ngjarjes.