Aksident në Fier-Levan, autobusi përplaset me makinën dhe përfundon në kanal

Një aksident është regjistruar mëngjesin e sotëm në aksin Fier–Levan, në vendin e quajtur “Kthesa e Azotikut”.

Nga informacionet paraprake mësohet se një autobus që udhëtonte drejt Vlorës është përplasur me një automjet tip “Audi”, i cili më pas ka përfunduar në kanalin anësor të rrugës. Por fatmirësisht, nga ngjarja nuk ka persona të lënduar.

Në vendin e ngjarjes kanë mbërritur menjëherë shërbimet e policisë dhe grupi hetimor, të cilët po punojnë për sqarimin e rrethanave dhe përcaktimin e shkaqeve të aksidentit.