“Dallga e betonit mbyt Farkën”, deputeti denoncon ndërtimet e “Kontakt”: Mjaft bletë konvikte!

Deputeti socialist Erion Brace ka denoncuar publikisht projektin e fundit ndërtimor në zonën e Farkës në periferi të Tiranës, si një dallgë betoni.
Fjala është për projektin e kompanisë Kontakt, me pronar Fatmir Bektashin, I pandehur nga SPAK, për shkelje të ligjit në dy procedime penale.
Denoncimi i Erion Braces nuk I adresohet impaktit negativ të këtij projekti në mjedis, por edhe asaj që ai ofron, të qënit një konvikt për banorët.
Krahas kritikave për projektin e kompanisë në fjalë, Brace u apelon edhe qytetarëve që të shikojnë me kujdes produktin që blejnë për të jetuar dhe të kërkojnë më shumë se një konvikt.

Denoncimi I Braces:
“DALLGE BETONI NE KODRAT E FARKES;
BOOOOLL ME KETE DALLGE HALUCINANTE QE KETU QUHET BALLADE E ATJE QUHET MANGALEM!
Tani edhe ju qe blini;
Boll blete thejshte fjetine ne konvikt, boll!
Duhet nje ekuiliber i ri mes natyres dhe ndertimit;
Duhet tani!
Dhe nis tek Bujqesia, jo tek ndertimi;
Duhet bere BUJQESIA te prodhoje para me shume se sa parte e tokes bujqesore qe shitet per tu bere DALLGE BETONI!!
Projektet e kompanisë Kontakt, vecanërisht në zonën e “Ali Demit”, njihen për mungesën e hapësirës si për qarkullimin e mjeteve brenda kompleksit, ashtu edhe për ambientet në dispozicion të banorëve dhe fëmijëve.
Nuk ka munguar as reflektimi i qytetarëve në lidhje me postimin e Braces.

Një prej tyre shkruan:
Ndërtimet e reja që Fatmir Bektashi ka promovuar si “dallgët e famshme të betonit” përfaqësojnë një tendencë të njohur në urbanistikën shqiptare: arkitekturë spektakolare për sy, por shumë më pak funksionale për jetesë reale.
Nga jashtë, kompleksi duket si një lodër gjigante ngjyra pastel, forma të lakuara, ndriçim festiv që imiton atmosferën e një resorti. Por, në thelb, mbetet një masiv betoni, i futur në një zonë që vetëm pak vite më parë ishte e gjelbër, e hapur dhe e lirë nga ky tip urbanizimi agresiv.