Aksident në aksin Rrogozhinë-Peqin, përplasen dy makina, plagosen dy persona

Dy persona kanë mbetur të plagosur pas një aksidenti që ndodhi sot në mesditë në aksin Rrogozhinë-Peqin.

Sipas burimeve zyrtare, rreth orës 12:00, në aksin rrugor “Rrogozhinë-Peqin”, automjeti me drejtues shtetasin A. D., është përplasur me automjetin me drejtuese shtetasen D. O.

Si pasojë janë dëmtuar drejtuesja e automjetit shtetasja D. O., dhe pasagjeri në automjetin me drejtues shtetasin A. D., të cilët po marrin ndihmë mjekësore, në spitalin e Elbasanit, jashtë rrezikut për jetën.