Aksident në aksin Elbasan-Librazhd, përplasen 2 makina, humb jetën një person plagosen 6 të tjerë

Një aksident i rëndë rrugor është regjistruar në aksin kombëtar Librazhd–Elbasan, në zonën e Xibrakës, ku disa automjete janë përplasur me njëra-tjetrën në rrethana ende të paqarta.

Sipas informacioneve paraprake, në ngjarje janë përfshirë dy mjete. Si pasojë e përplasjes së fortë, gjashtë persona kanë mbetur të plagosur dhe janë transportuar me urgjencë drejt spitalit për të marrë ndihmën mjekësore.

Burime nga vendngjarja bëjnë me dije se një shtetas i huaj ka humbur jetën si pasojë e aksidentit.

Ndërkohë, forcat e policisë dhe ekipet e emergjencës ndodhen në vendin e ngjarjes, ku po punojnë për zbardhjen e plotë të shkaqeve të aksidentit, si dhe për normalizimin e qarkullimit në këtë segment rrugor.