Aksident i rëndë në hyrje të Vorës! Makina del nga rruga, plagosen gruaja dhe dy fëmijë të mitur

Një aksident i rëndë ka ndodhur mëngjesin e sotëm në hyrje të Vorës.

Mësohet se një 43-vjeçar ka humbur kontrollin mbi mjetin që po drejtonte dhe për pasojë, ka dalë nga rruga duke u përplasur. Për pasojë, të plagosur kanë mbetur bashkëshortja dhe dy fëmijët e tij të mitur. Raportohet se ata janë dërguar në spital, ku po marrin ndihmën e nevojshme mjekësore dhe ndodhen jashtë rrezikut për jetën.

Grupi hetimor ndodhet në vendin e ngjarjes dhe po punon për zbardhjen e plotë të rrethanave të ngjarjes.

Njoftimi i policisë:

 Informacion paraprak/Më datë 25.07.2025, rreth orës 09:10, në hyrje të Vorës, automjeti me drejtues shtetasin D. K., rreth 43 vjeç, dyshohet se ka humbur kontrollin mbi drejtimin e automjetit dhe për pasojë automjeti ka dalë nga rruga. Nga aksidenti janë dëmtuar bashkëshortja e tij dhe dy fëmijët e tyre të mitur, të cilët u dërguan në spital, nën kujdesin e mjekëve, jashtë rrezikut për jetën. Grupi hetimor vijon punën për përcaktimin e shkakut të aksidentit.