Aksident i rëndë në aksin Pogradec-Maliq, makina përplaset me pikën e karburantit

Një aksident i rëndë është regjistruar këtë të hënë në aksin Pogradec-Maliq, pranë fshatit Podgorie.

Një automjet tip “Nissan”, i drejtuar nga një i ri, ka humbur kontrollin e mjetit dhe ka përfunduar brenda një pike karburanti, duke përplasur makinën e furnizimit me lëndë djegëse.

Fatmirësisht, nuk ka pasur shkëndija zjarri dhe është shmangur një shpërthim i mundshëm që mund të kishte sjellë pasoja tragjike për jetën e drejtuesit dhe personave të tjerë pranë vendit të ngjarjes.

Drejtuesi i automjetit ka marrë disa plagë në fytyrë, por ndodhet jashtë rrezikut për jetën.