Aksident i rëndë në aksin Petovë- Libofshë, një person i plagosur rëndë

Një aksident ka ndodhur në orët e vona të pasdites së sotme në aksin Petovë- Libofshë.

Një automjet tip” Toyota” është përplasur me një motor, dhe si pasojë e goditjes së fortë, drejtuesi i motomjetit është dëmtuar rëndë.

Ai është transportuar me urgjencë drejt spitalit rajonal të Fierit ku ndodhet nën kujdesin e mjekëve.

Policia në vendngjarje po punon për zbardhjen dhe shkaqet e këtij aksidenti.

Fier/ Informacion paraprak/ Rreth orës 17:00, në fshatin Petovë, Fier, shtetasi M. P., 43 vjeç, duke drejtuar automjetin, është përfshirë në një aksident me një motomjet me drejtues shtetasin Z. Xh, rreth 64 vjeç.

Si pasojë e aksidentit është dëmtuar drejtuesi i motomjetit, shtetasi Z. Xh., i cili është transportuar  në spital për ndihmë mjeksore.

Drejtuesi i automjetit, shtetasi M. P., u shoqërua në Komisariat për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të rrethanave  dhe shkakut të aksidentit.