4 mijë euro në makinë/ Agasi lëvizte me "ushtarin" e Prodës, detajet e reja të arrestimit

Detaje të reja janë zbuluar në lidhje me arrestimin e Ergys Agasit, mbrëmjen e djeshme në Durrës.

Sipas burimeve, ka qenë fillimisht një patrullë policie në Elbasan që ka pikasur mjetin me të cilin lëvizte Agasi dhe Ulian Shpataraku dhe u janë vënë në ndjekje. Më pas është organizuar puna dhe janë shtuar forcat operacionale për ta ndaluar në momentin më të përshtatshëm.

Ndjekja ka vijuar drejt Peqinit, Rrogozhinës dhe më pas drejt Durrësit derisa u ndaluan në zonën e Plepave.

Drejtues i mjetit ishte Shpataraku. Ndërsa sipas burimeve, në makinë gjatë kontrollit iu gjetën rreth 4 mijë euro.