" Vetë na prishët", infermieri shqiptar trondit rrjetin: Në shtator do t'ju kyçim prapë, ju dele të urta...

Arrestimi i dy mjekëve të Spitalit të Traumës disa ditë më parë pasi dyshohet se morën ryshfet nga babai i Elmilind Dylit, që mbeti i plagosur në masakrën e Velipojës, bëri që sindikata e mjekëve të dalë në protestë për të kërkuar lirimin nga burgu të kolegëve të tyre.

Mediat shqiptare “bombarduan” rrjetin duke postuar lajme në lidhje me protestën në fjalë, pra duke kryer normalisht punën e tyre.

Por, siç duket raportimi i drejtë dhe i paanshëm i gazetarëve nuk i ka pëlqyer infermierit Kleant C. i cili ka reaguar në një postim të një gazetari duke komentuar me një fjalor aspak të hijshëm që i takon një punonjës të bluzave të bardha.

“Mundohuni të gëzoheni edhe për 2 muaj se shtatori është afër kur t’ju kyçim prapë dhe s’do bëni asgjë si dele të urta që jeni.”-ka shkruar Kleanti, me profesion infermier. Ndër të tjera, ai ka theksuar se kur Shqipërinë ta “mbërthejë” vatianti DELTA, njerëzit do të “nxjerrin të zitë e ullirit” sipas tij.