Atentat bashkëpunëtorit të Elvis Demçes, mediat italiane: “Bosi i rrugës” qau si fëmijë pas plagosjes

Ai po kërkonte nënën e tij. Giancarlo Tei, “bosi i rrugës” në Tor Bella Monaca, po bërtiste për ndihmë sikur të ishte ende një fëmijë.

Ai u plagos të shtunën në mbrëmje para shtëpisë së tij.

Mediet italiane shkruajë se Tei u tërhoq zvarrë me plumb në kofshë dhe u përlot.

“Ndihmë, ndihmë. Më qëlluan, jam gati të humbas mendjen”, bërtiste ai.

Jeta në stilin e Gomorrës ka një çmim, pas parave të lehta, ka dhimbje dhe dëshpërim.

Vetëm njëzet e shtatë vjeç, me një akuzë për vrasje, Tei ishte gati të arrestohej pak ditë më parë.

Për prokurorët antimafia ai ishte njeriu kyç në menaxhimin e trafikut të drogës në bashkëpunim me bosin e rrezikshëm shqiptar Elvis Demçe por edhe me bandat e fuqishme kalabreze të San Luca, me të cilët merrej drejtpërdrejt.

Ai vepronte gjithashtu si një ndërlidhës me aleatët e Tokës së Shqiponjave.

Pas mbylljes së hetimeve, kërkesa e gjyqtarit për masë sigurie u refuzua.

Tei, i cili u la i lirë, u bë një objektiv më i lehtë për ata që synojnë të lajnë hesapet në mënyrën e tyre.

Në drejtim të tij u qëllua 5 herë, por vetëm dy plumba arritën që ta kapnin

Ata donin ta vrisnin, ai vrapoi në rrugë duke u përpjekur t’i shpëtonte plumbave derisa u rrëzua.

“Bossi” nuk priti që të mbërrinte ambulanca, por nëna e tij M.B., gjithashtu me precedentë penalë, zbriti nga shtëpia, e mori në makinë dhe e çoi në spital.

Kush ishin autorët dhe porositësit e atentatit së mbrëmjes të së shtunës, mbetet ende një enigmë për hetuesit karabinierë.

Megjithatë ata i kanë të qartë skenarët.

Ambicia e Tei-t për të “zaptuar” tregje të reja të drogës  shkaktoi pakënaqësi deri në pikën e prishjes së ekuilibrave delikate.

Si një “udhëheqës i shquar i sheshit”, Tei, “Lallo”, kishte bërë marrëveshje dhe mbante kontakte me njerëz të njohur të botës së krimit, duke filluar nga  Vincenzo Vallante, i njohur si “Naruto” dhe krahu i tij i djathtë Pietro Longo.

Ai është gjithashtu bashkëpunëtori i Demçes, shqiptari i afërt me Fabrizio Piscitelli, Diabolik.

Por policia po shikon gjithashtu fërkimet me komunitetin e madh maroken të përkushtuar ndaj trafikut të drogës në rrugë, me të cilat Tei mund të jetë përplasur.

Hetimet

Ditët e fundit Prokuroria e Romës i kishte dërguar “Lallo” dhe 29 personave të tjerë njoftimin për përfundimin e hetimeve paraprake me akuzën se ishin pjesë e një shoqate që synonte trafikimin e paligjshëm të lëndëve narkotike me në krye Demçen.

Në veçanti, Tei ka marrë pjesë rregullisht me Demcen në aktivitetet e blerjes dhe shpërndarjes me shumicë të ngarkesave të drogës.