U lëndua në protestë, Evanthi Pango del nga spitali, shfaqet duke kënduar: Ndihem më e motivuar

Evanthi Pango është një nga vajzat protestuese që u desh të dërgoheshin në spital pas përleshjeve të dhunshme mes të rinjve dhe policisë në rrugët e Tiranës.

Prej 15 tetorit ajo ndodhej në Spitalin e Traumës pas goditjes në kokë, ndërsa këtë mesditë ka lënë spitalin. “Ia hodha edhe këtë herë”, shkruan ajo, teksa shihet e qeshur dhe duke kënduar.

Protestuesja ende e ka shenjën e mjekimit dhe për fat ka lënë pas lëndimin.

“Kam përshtypjet më të mira për kujdesin ndaj meje këtu. Mos e provoftë njeri në jetë. Këto përvoja duhet të na bëjnë më të fortë dhe më të motivuar. Mund ta them me siguri, jam më e motivuar tani. Shihemi jashtë”, thotë ajo.